Nýtt ár að ganga í garð
Jólin voru ágæt, börnin mjög ánægð og gaman að fylgjast með þeim. Andri Þór getur stofnað eigin Slökkvistöð, hann fékk 3 mismunandi stóra slökkvibíla, tveir þeirra má setja vatn í og það er hljóð og ljós í þeim öllum! Svo ekki sé minnst á sjúkrabílin og löggubílinn sem einnig gefa frá sér viðeigandi hljóð...jáááá.....ég verð bara með Ipodinn á mér þegar mest gengur á. Í alvöru ég upplifði mig á aðfangadagskvöld eins og ég væri stödd í miðju stórslysi! En hann er ánægður með allt sem hann fékk. Við auðvitað gáfum honum stærsta slökkviliðsbílinn.
Jóhanna Arna fílaði sig í tætlur og elskar Sollu Stirðu dúkkuna sína og búninginn sem við gáfum henni - hún hefur reyndar ekki fengið að prófa búninginn...það verður alla vega á öskudag. En hún er ofsalega hrifin af öllum „boltunum“ á jólatrénu. Hún fékk líka bleikan bíl sem gefur frá sér stórfyndin hljóð. Þau fengu bæði slatta af fötum, móðurinni til mikillar hamingju! Hún fékk líka "Dóru" dúkku sem ég get greitt því ekki leyfir dóttirin móður sinni að greiða sér....ég verð einhvers staðar að fá að æfa mig og fá útrás fyrir þetta.
Jóhanna Arna gaf okkur handafar í ramma sem hún gerði hjá dagmömmunni og Andri gaf okkur yndislegan jólasvein, hann Stekkjastaur sem hann gerði í leikskólanum.
En annars er það að frétta að Jóhanna Arna er að byrja í leikskólanum í janúar, hún fær inn - vegna aðstæðna þá höfum við forgang með hana inn. Ég byrja aftur í skólanum 15. janúar, en ætla að njóta þess í tætlur að vera í jólafríi þangað til. Við förum með Andra Þór í þroskamat/greindarpróf til Hrundar sálfræðings 14. janúar og eftir það mun hún senda öll gögn til Greiningarstöðvar Ríkisins. En hann sýnir ótvíræð einkenni einhverfu, athyglisbrests og ofvirkni - já þetta er pakki. En aðalatriðið að hann fái þá hjálp sem hann þarf og á rétt á.
Jóhanna Arna fer svo í 18 mánaða sprautuna 24. janúar...já betra seint en aldrei :)
Við verðum gamlárskvöld hjá mömmu og pabba þar sem ég mun elda ofan í liðið....mamma er að vinna. Matseðillinn verður eitthvað á þessa leið:
Forréttur - Humar með hvítlauksostabráð
Aðalréttur - Íslensk lambalæri með meðlæti
Eftirréttur - langar að gera "Hindberjamarengs" - sem er kaka úr landsliðsréttum Hagkaupa....Brownies botn...súkkulaðimús og svo hindberjamarens....mmmmmmmmm
Jæja ég ætla að láta þetta duga....kjúklingasalatið frá Langbest er rétt ókomið :)
Kv. Dóra
Kæru ættingjar og vinir,
við óskum ykkur gleðilegra jóla og farsældar á komandi ári. Við þökkum kærlega fyrir hlýjar kveðjur og óskir á brúðkaupsdaginn okkar, þann 12. ágúst 2007
Megi Guð geyma ykkur og vernda
Theodóra Mýrdal og Gunnar Björn Björnsson
Gleðileg jól
Fyrst vil ég þakka Elsu og Berglindi fyrir kommentin á læstu færsluna, þetta er allt aðeins betra núna. Allir fjölskyldumeðlimir heima eins og vera ber, reyndar er Gunnar kominn með hita og er eitthvað slappur en við förum í mat til mömmu og pabba á morgun. Ég kláraði jólagjafirnar í gær og búin að pakka öllu inn og merkja.
En jólakort/þakkarkort verða send á nýju ári. Málið er að myndirnar sem við viljum nota eru úr brúðkaupinu og myndirnar frá ljósmyndaranum eru ekki með nógu háa upplausn til að láta framkalla. Ég stóð í þeirri meiningu að hann ætlaði að senda okkur disk með myndunum í hærri upplausn en við verðum að rukka það eftir áramót.
Það er kominn pínu jólatilhlökkun í mig. Hef trú á að þetta verði góð jól.
Það eru komnar einkunnir úr öllu nema einu fagi. Ég stóðst bæði vettvangsnámin (fáum aldrei einkunn fyrir vettvangsnám), fékk 7 í aðferðarfræðinni ( 6.1 í prófi og 8.7 í verkefnum), ég fékk 6 í barn, fjölskylda og barnavernd. Hef aldrei fengið eins lágt fyrir ritgerð og þarna, finnst kennarinn vera svolítið að skíta upp á bak í að meta þetta. Hún gaf okkur mínus fyrir atriði sem hún vildi að kæmi fram í ritgerðinni en kom aldrei fram í leiðbeiningum hvernig hún vildi fá ritgerðina (fannst of fáar heimildir notaðar og við áttum bara að vita að hún vildi fá fleiri en 5) Svo komu leiðbeiningarnar fyrir verkefnið ekki fyrr en við vorum búnar að skila og hún vissi að við ætluðum að skila miklu fyrr. Ég á þá bara eftir að fá út úr Samskipti og stjórnun.
Við óskum ykkur öllum gleðilegra jóla og farsældar á komandi ári! Við þökkum kærlega fyrir allar þær stundir sem við höfum átt saman á árinu, þar á meðal 12. ágúst 2007.
Kv. Dóra
Próf og verkefnaskil já og framkvæmdir!!!
Já við erum ekta Íslendingar, það er búið að skipta um parket á næstum allri íbúðinni, eini staðurinn sem er eftir það er svefnherbergið okkar og það verður gert í næstu viku! Enginn smá munur. Það á reyndar eftir að setja lista á allt nema barnaherbergið, það er nú meira baslið við það...veggirnir hérna eru svo hraunaðir og veggirnir harðir að það er erfitt að fá listana til að tolla...þetta verður maus.... En það er komið NÝTT og ekta PLAST parket á íbúðina 
Ég er þessa stundina að læra fyrir próf í aðferðarfræði sem er á fimmtudaginn - gengur ágætlega. Jóhanna Arna er í pössun hjá nöfnu sinni og Andri Þór í leikskólanum. Ég þarf reyndar að sækja Andra Þór bráðum. Jóhanna Arna er búin að gista hjá ömmu og afa síðan á sunnudaginn, hún fékk ælupest aðfaranótt sunnudags og er núna eitthvað slöpp...vill bara snuðið. Nú eru allir nema ég á þessu heimili búnir að fá þessa ælupest...7 9 13 ég ætla að sleppa!! Svo þegar ég er búin í þessu prófi og búin að skila síðustu tveimur verkefnunum þá er ég komin í jólafrí og þá hefst skreytingartímabil og jólagjafatímabil! Já og jólakortin....vona að við komumst í það fyrir jól.....en annars er ekki fínt að fá svona "milli jóla og nýárs kort???"
Ætla síðan í uppáhalds sænsku búðina mína og versla eitt sett matarstell....ÁN GUNNARS.....hann flækir bara hlutina..."nei þessi litur er of dökkur, nei maður verður svo fljótt leiður á þessum lit...." Það er reyndar einn pínu galli við að vera komin með þetta fína eikar plastparket....nú er eldhúsinnréttingin orðin alltof gul og líka gereftin....en jæja svona er þetta bara...ætli innréttingin sé ekki bara næst :)
Ég var svo að sækja um orlofshús á spáni fyrir næsta sumar :) Verður gaman ef ég fæ úthlutun þótt ég eigi ekkert von á því.
Jæja halda áfram!!
Kveðja,
Dóra sú sem er á kafi...
Ljón: Streita er kannski óþægileg, en hún er ástæðan fyrir frábærum árangri þínum. Hvíldu þig í 5 mínútur hvern klukkutíma alveg sama hversu mikið þú vilt halda áfram að vinna.Vá hvað ég er sammála stjörnuspánni minni í dag....en finnst þetta fyndið að ég þurfti að leiðrétta tvær stafsfetninga og innsláttavillur í textanum og þetta er copy paste af vef mbl.is
Reyndar lýsi ég eftir þessum frábæra árangri mínum....hann á kannski eftir að koma.Þessa stundina er ég í skólanum, í málstofu í Samskipti og Stjórnun og vorum við nokkrar í því hlutverki að gagnrýna verk annarra....fengum auðvitað gagnrýni á móti, auðvitað! Öðruvísi lærir maður ekki.
Ljón: Streita er kannski óþægileg, en hún er ástæðan fyrir frábærum árangri þínum. Hvíldu þig í 5 mínútur hvern klukkutíma alveg sama hversu mikið þú vilt halda áfram að vinna.Vá hvað ég er sammála stjörnuspánni minni í dag....en finnst þetta fyndið að ég þurfti að leiðrétta tvær stafsfetninga og innsláttavillur í textanum og þetta er copy paste af vef mbl.is
Reyndar lýsi ég eftir þessum frábæra árangri mínum....hann á kannski eftir að koma.Þessa stundina er ég í skólanum, í málstofu í Samskipti og Stjórnun og vorum við nokkrar í því hlutverki að gagnrýna verk annarra....fengum auðvitað gagnrýni á móti, auðvitað! Öðruvísi lærir maður ekki.
Kkkkkkkkkaaaallllttttt
Ljón: Þú þarft að skifta um takt - já, það er kominn tími til! Það er gott fyrr þig að komast út úr þínu vanalega umhverfi. Þannig sérðu ástvini í nýju ljósi.Þetta er stjörnuspáin mín í dag....já væri alveg til í þetta sko
Þótt það sé fínt að kynnast nýjum stefnum og straumum í leikskólastarfi, sakna ég minna barna - þá meina ég MINNA BARNA í Tjarnarseli - hlakka til að eftir 6 vikur verð ég komin aftur í vinnu og reyndar þá er prófið í aðferðarfræði þann 6. desember sem er eftir 6 viku. En annars er mér alveg hryllilega kalt núna, ligg upp í sófa með fartölvuna hans Gunnars og skrifa þetta....með sæng og kodda. Er búin að vera kalt, meira og minna í allan dag. Ég er í staðarlotu í skólanum líka þessa dagana, væri alveg til í að kunna þá tækni að klóna. En ég er alla vega komin með viðsfangsefni í könnunaraðferðina.....F I S K A R
Foreldrar mínir eiga þrjátíu ára brúðkaupsafmæli í dag og eftir smá research þá er 30 ára brúðkaupsafmæli, Perlubrúðkaup
. Reyndar átti hún móðir mín 50 ára afmæli í gær :) Vorum í veislu í Grindavík í gær og hittum nokkra skemmtilega ættingja.Æi ég ætla að eiga deit við sæng og kodda núna!
Góða nótt!!
Dóra þessi þreytta sem er svo kalt að fara bráðum að koma grýlukerti á nebbalinginn.
Guð hvað þetta er satt!
Ljón: Það er of auðvelt að væla bara þegar maður er óánægður. En leitt að þetta gengur ekki upp. Hættu að kvarta og notaðu orkuna til að finna góðar lausnir.Já hvernig væri það Dóra??? Hættu að kvarta og kveina um könnunarverkefnið og gerðu það bara!!
Mér varð eitthvað svo um allt verkefnaálagið og þá litlu staðreynd að ég er að fara í próf í aðferðarfræðinni í byrjun desember. En ég komst yfir heilmikið í dag á Holti, gat klárað tvö verkefni, alla vega tel ég mig vera búna með það að mestu, á lokaorð eftir. Ég byrja á könnunaraðferðinni í næstu viku, viku á undan áætlun.
Annars eru börnin bara í ágætum fíling. Jóhanna Arna er á fullu núna að syngja Atti katti nóa og eitthvað heyrist mér Bubba Byggir lagið vera þarna líka. Hún fór í 18 mánaða skoðun um daginn og Sigurður læknir mjög ánægður með hana, nema hún gat ekki fengið bólusetninguna því hún var með svo mikið ofan í sér að hann tók ekki sénsinn. Ég þarf að finna betri tíma fyrir hana. Hún samsvarar sér alveg, er 12.700 grömm og 86.4 cm. Svolítið gaman að bera hana og Andra Þór saman á þessum aldri. Andri Þór var 14 kg og 85 cm en samt samsvaraði hann sér alltaf mjög vel eins og hún.
Þau systkinin eiga stundum eða oftast ekki skap saman, ég er farin að grínast með það að ég eigi tvær litlar grameðlur. Sá nefnilega frábæran þátt á Stöð 2 um daginn um fornaldardýr og þar voru tveir grameðlu ungar að slást og það minnti óneitanlega á þau tvö stundum
Jæja best að sinna yngri grameðlunni....sú eldri er núna að horfa á barnaefnið...hin er í fiktgírnum.
Kv. Dóra
Að finna tíma!!!
Þetta krefst mikillar skipulagningar....því ég ætla helst ekki að flytja út á meðan
.Er ég kannski of kröfuhörð???
