Já ég gleymdi alveg að segja frá nýjasta heimilistækinu!  Í gær kom hingað nýr Electrolux blástursofn og keramikhelluborðið við ofninn kemur vonandi sem fyrst.  Á Baldursgötunni var ég með eldgamla eldavél og þegar við keyptum þessa íbúð sá ég fyrir mér þvílíkan bakstur og matarboð þar sem ég hélt að ég ætti svo fína eldavél....YEAH RIGHT!  Hugsa að hin eldavélin sé bara miklu betri.  Einn takkinn á ofninum er bilaður, allt hitastig er afmáð og búið að rugla í kvarðanum, þannig að ég veit í raun ekkert hvaða hitastig ég er að nota....nota heppnina og slumpa á þetta.  Er til dæmis með lambalæri í ofninum núna sem ég vona að verði í lagi með.  Helluborðið er skárra en þó ekki...stærsta hellan á það til að slökkva bara á sér og fara í nokkra klst verkfall!

En jæja það er rýmingarsala í Húsasmiðjunni á Smáratorgi og pabbi var þar í gær og sá þennan fína ofn (allt er betra en þetta drasl sem ég er með núna) á heilar 15 þúsund krónur....átti að kosta 30 þúsund.  Ég er að vona að þetta verði komið í gagnið fyrir afmælið hans Andra Þórs - annars þarf ég að fara til Grindavíkur eftir skólann og baka.  Ekki séns að ég baki í þessum ofni sem er núna.

Nú vil ég bara þessa rigningu bak og burt svo ég geti haldið áfram að safna brúnku og hengt út þvott!

Kveðja úr rigningunni!
Dóra

Já tölvan mín lenti í viðgerð í nokkrar klukkustundir á föstudaginn!  Á fimmtudaginn sett ég í sakleysi mínu tvo tölvuleiki sem ég á hérna síðan í gamla dag  og fór að leika mér, slökkti svo bara á gripnum og fór að sofa.  Daginn eftir vildi þessi elska bara ekkert kveikja á stýrikerfinu og ég fór með hana upp í Tölvulista þar sem hún var löguð samdægurs og ég var bara rukkuð fyrir hálftíma sem var 3.250 krónur.  En vá á meðan hún var biluð, vitiði ég vissi ekkert hvernig ég átti að haga mér né hvað ég átti að gera af mér!  Nema jú ég þreif íbúðina!  Hvað gerir maður þegar tveir mikilvægir hlutir bila með stuttu millibili?  Sem sagt þvottavél og tölva.  En alla vega þá fara þessir tveir leikir EKKI aftur í tölvuna því þeir rugluðu skjákortið alveg!

En þetta sýnir manni hvað maður er virkilega háður þessum hlut - þetta er eiginlega hálf óhugnalegt!  Svo var þetta alveg týpískt...hún bilaði akkurat þegar ég var að fara að byrja á einni heimasíðu á barnalandi fyrir eina.  Og já ég fékk smá sjokk þegar þetta gerðist því ég er með svo mikið af gögnum í tengslum við heimasíðugerðina á tölvunni að það yrði svakalegt ef ég missti það vegna kjánaskaps í mér - þannig að á mánudaginn ætla ég að kaupa geisladiska og gera afrit af öllu! 

Jæja ég ætla að fara að kúra :)  Bendi ykkur á að kíkja á síður barna minna - í albúmin en þar eru nýjar myndir.  Og ef þið eruð ekki með lykilorðin en þekkið okkur - þá bara að senda mér póst á theodoram@simnet.is eða kíkja á mig á msn doram@islandia.is

Kveðjur frá Keflavík!
Dóra

Við erum búin að vera þvottavélalaus núna í viku.  Vélin kom til Keflavíkur á þriðjudaginn en sá sem flutti hana fyrir okkur hjá Landflutningum var svo mikill snillingur að hann skemmdi vélina, lokið á henni.  Þannig að Gunnar fór að meta þetta og við þurftum ekki að borga flutninginn til Keflavíkur og ekki heldur fyrir viðgerðina.  En við áttum að fá hana á miðvikudaginn, þar sem einhver rafvirki hérna í bænum sem konan hjá Landflutningum þekkir ætlaði að laga þetta.  Svo kom í ljós að lokið er ekki til á landinu þannig að hann gerði bráðabirgðaviðgerð þangað til lokið kemur og við áttum að fá þvottvélina þá í gær.  Klukkan að verða sjö í gærkvöldi hringdi Gunnar í þetta fyrirtæki og náði samband á einhvern verkstjóra og þá voru bara allir farnir heim og þvottavélin ennþá hjá þeim - þvílíkt klúður en þessi verkstjóri kom svo með vélin til okkar.  Ég voða glöð, ætlaði að fara að byrja á þessu þvottafjalli sem hefur verið að safnast hérna.  Nei þá er einhver pakkning farin í slöngunni fyrir inntakið þannig að það lekur bara vatn.  Nú er Gunnar að fara að redda þessari pakkningu...ég vonast til að geta farið að þvo þvott eftir hádegi!

Það er ekki mjög þægilegt að vera þvottavélalaus með tvö börn.  Að vísu eiga börnin slatta af fötum þannig að þau eru ekki fatalaus en ég er orðin uppiskroppa með buxur!  Ég þvoði hluta af þvottinum hjá mömmu en þar sem ég hélt að ég myndi fá þvottavélina mína á þriðjudaginn var,  var ég ekkert að fara til Grindavíkur með þvott.

Andri Þór er hjá tengdó núna, hann var þar í nótt.  Skrítið að vera bara með eitt barn.  Við þurftum enga pössun, þau langaði bara að fá hann lánaðann yfir nótt.  Við sækjum hann í dag, en eftir klukkan 14 því ég fer í klippingu og strípur í dag   Hlakka ekkert smá til. 

Jæja ég man ekkert hvað ég ætlaði að segja meir...Gunnar ruglaði mig alveg á einhverri málfræðikennslu.  Já það kostar það að spyrja hann að einni málfræðispurningu, fæ ég svaka kennslu því sem ég spurði ekki um líka

Kveðja,
Dóra

Já loksins samkvæmt síðustu veðurspám!!  Annars förum við til Gests á morgun með hana Jóhönnu Örnu, á afmælisdaginn hans Gunnars - drengurinn að verða 32 ára gamall.  Sem þýðir það að ég er að verða 31 árs .  Get ég ekki bara alltaf fengið að vera þrítug?  Segi eins og Joey í Friends "why God why?! Why are you doing this to us?"  Annars er ég ekkert að leggjast inn á elliheimili - finnst þetta bara algjör óþarfi að eldast! 

En snúum okkur nú að gula fyrirbærinu....Hún er væntanleg þessi elska og þar með er ég farin með börnin til Grindavíkur til að liggja í sólbaði á pallinum hans pabba .  Nuddpotturinn er kominn á pallinn, en ennþá ótengdur, þannig að það er þá bara busl laugin sem blívar (er ég að verða of bjartsýn um gott veður?)  Jæja það er alla vega spá 1 metrum á sek. í vindi og það á að vera léttskýjað. 

Jæja mig langar að segja margt margt meira en ég má ekki segja það sem ég vil segja - ég er kúguð af Gunnari    Já hann heldur því alltaf fram að ég kúgi hann en það er bara ekki satt!!

Jæja best að hætta áður en ég fer að segja eitthvað meira...ætla að blogga á leyniblogginu mínu núna...jáhá ég á sko leyniblogg bara fyrir mig!!  Eruð þið forvitin?  GOTT! nanananabúbú ég á leyndó

Nei annars gæti ég alveg verið að bulla í ykkur bara "for the fun of it!"

Æi ok það er pínu púki á öxlinni minni   Ég ræð bara ekki við hann núna!

Kveðja frá púkanum á hægri öxlinni hennar Dóru

Ég á stundum í bölvuðum vandræðum að finna titla á þessi blogg mín...enda stundum á því að slökkva bara á öllu því ég finn ekki nógu skemmtilegan titil á bloggið - já ég veit ég er biluð stundum!
 
Alla vega þá náði ég að versla 1 stk bílstól í dag fyrir Andra Þór - 6 mánaða Graco stól á barnalandi - fékk hann á hálfvirði, sæki hann á morgun.  Er bara nokkuð glöð með þetta.  Britax stóllinn er eiginlega orðin of lítill fyrir hann og svo ætla ég að kaupa æðislegan Graco stól fyrir Jóhönnu Örnu, nýjan í haust.  Sá stóll er fyrir 0 til 25 kg, lúxus að þurfa ekki að skipa neitt út.  Enda er hann ekki sá ódýrasti .

Nú fer að líða að sumarbústaðarferðinni, jeminn hvað ég hlakka til!  Andri Þór fer á leikskólann á morgun og svo frá og með þriðjudeginum er hann kominn í sumarfrí.  Ég held að hann eigi eftir að sakna þess að vera ekki á leikskólanum, hann er svo mikill útikall.  Tókum eftir því um daginn að hann var með bitsár á hægri öxlinni, Gunnar talaði við einn deildarstjórann á deildinni hans og hún sagði að það væri einn einstaklingur sem þær væru að kljást við vegna bita og þær ætluðu að fylgjast betur með þessu.  Maður skilur þetta alveg, þær geta auðvitað ekki verið alls staðar og séð allt.  En það góða við Andra Þór núna, er að hann er farinn að "klaga".  Ef einhver meiðir hann, fer hann og segir frá því.  Hann gerði það nefnilega aldrei þessi elska.

Hann byrjar í sjúkraþjálfun eftir sumarfrí og þá verð ég vonandi búin að fá bréfið frá ráðgjafateyminu hjá Reykjanesbæ.  Hann kom ekkert voðalega vel út úr smábarnaþroskalista um daginn.  Hann er eftirá í grófhreyfingum og tali, en það er talið stafa útaf lágu vöðvaspennunni sem hann greindist með þegar hann var 2 ára.  Við fórum með hann til taugasérfræðing barna, mjög færan læknir sem er nýkomin frá USA þar sem hún var í framhaldsnámi og sérhæfði sig í taugasjúkdómum barna.  Hún telur þó að þetta sé arfgengt hjá honum, sé ekki stafa vegna undirliggjandi taugasjúkdóms.  En hún vildi að hann færi í sjúkraþjálfun, hann fór í mat til sjúkraþjálfara fyrra haust og hann byrjar hjá henni núna í ágúst.  Svo fer hann að öllum líkindum til talmeinafræðings og fer í talþjálfun.  Og þegar það er komið af stað, ætlar Ýr (taugalæknirinn) að setja hann á lyf til að stöðva slefið.

En honum hefur farið rosalega mikið fram, bara frá því að ég svaraði þessum lista.  Hann er farinn að nota tveggja og þriggja orða setningar, hefur mjög mikinn skilning enda var það ekkert áhyggjuefni.  Hann er ekkert misþroska, bara þessi lága vöðvaspenna er líka í andlitinu á honum sem gerir það að verkum að hann slefar mjög mikið og talar mjög óskýrt.  Ef þið skoðið heimasíðuna hans, getið þið skoðað "Orðabók Andra Þórs"  Við köllum tungumálið hans "Andraísku"   Og hermum oft eftir honum (án þess að hann heyri auðvitað) - við auðvitað elskum og dáum allt sem þessi drengur gerir, líka frekjuna þótt hún geti orðið yfirgengileg og þá er það bara STÓLLINN sem virkar eða uppeldiskerfi sem nefnist SOS.  Þið getið lesið aðeins um það hérna http://www.fel.hi.is/page/SOS%20namskeid 

Reykjanesbær býður öllum foreldrum barna á aldrinum 2 til 12 ára á svona námskeið þeim að kostnaðarlausu og við nýttum okkur það auðvitað og svo fæ ég þetta líka metið í vinnunni

Af Jóhönnu Örnu er allt ágætt að frétta, hún hefur náð sér af barkabólgunni síðan um daginn og varð 4 mánaða í dag.  Hún fer næst til Gests barnalæknis þann 19. júlí, á afmælisdag föður síns  og svo á hún að fara í næstu bólusetningu 2. ágúst en ég var að fatta að þá verður læknir sem ég vil ekki að hún fari til, þannig að ég ætla að reyna fá tímanum breytt á morgun   En þessi dama ákvað í fyrranótt að byrja daginn klukkan 4 en mamman hafði ekkert of mikinn húmor fyrir því og var ég í 2.5 klst að fá hana til að sofna aftur!  Enda svaf ég morgunin af mér, Gunnar var frammi með hana og Andra Þór.  Þannig að ég ætla að skríða undir sæng núna í þeirri von að hún sofi til alla vega 6 núna.

Góða nótt og takk fyrir að lesa þessa langloku